Në kuadër të muajit të ndërgjegjësimit kundër trafikimit të qenieve njerëzore, Organizata Plan&Go ju fton të bëheni pjesë e fushatës #RefuzojtëHesht. Kjo fushatë synon të informojë dhe të rrisë ndërgjegjësimin mbi fenomenin e trafikimit të qenieve njerëzore si dhe të nxisë përfshirjen e popullatës për të reaguar në mënyrë proaktive ndaj këtij fenomeni.

Në datat 28, 29, 30 dhe 31 Tetor, stafi i Plan&Go do të jetë në Sheshin Skëndërbej në tre stenda të cilat do të përmbajnë informacione të detajuara mbi trafikimin. Për të fuqizuar ofrimin e shërbimeve në Qendrën e Emergjencës për Fëmijët Viktima dhe Viktima të Mundshme të Trafikimit, Plan&Go ka përgatitur çadra dhe maska me mesazhe informuese dhe ndërgjegjësuese. Të ardhurat e siguruara nga shitja e tyre do të shkojnë për fëmijët, përfitues të këtyre shërbimeve.